لو حاولت تغيّر اسمك على فيسبوك وظهرلك إنك "لا يمكنك تغيير الاسم" حتى لو كتبته بطريقة صحيحة، فانت في المكان الصح! في المقالة دي هقولك على خطوات بسيطة ومجربة تقدر من خلالها حل مشكلة تغيير الاسم في فيسبوك بدون مشاكل، وكمان هنستخدم طريقة رسمية ومضمونة عن طريق دعم فيسبوك.
خطوات حل مشكلة تغيير الاسم في الفيس بوك:
1. تجربة تغيير الاسم من الإعدادات:
- افتح تطبيق فيسبوك أو الموقع.
- ادخل على الإعدادات > المعلومات الشخصية > الاسم.
- جرّب تكتب الاسم بطريقة سليمة (الاسم الأول والثاني).
- لو ظهرتلك رسالة "لا يمكنك تغيير الاسم"، يبقى تكمل باقي الخطوات الجاية.
2. الدخول على صفحة الدعم الرسمية:
- هتضغط على "تعرف على المزيد" اللي بتظهر في رسالة الخطأ.
- هينقلك لصفحة فيها عنوانها "كيفية تغيير اسمك على فيسبوك".
- انزل لآخر الصفحة واضغط على "أخبرنا".
3. ملء نموذج تغيير الاسم:
- سجل دخول بحسابك (لو طلب).
- هتلاقي نموذج لكتابة الاسم الأول والاسم الثاني (لازم يكونوا زي ما مكتوبين في بطاقتك).
- ارفع صورة بطاقتك الشخصية أو أي مستند رسمي.
- اكتب البريد الإلكتروني المرتبط بالحساب.
- اضغط على "إرسال".
4. مدة الرد وحل المشكلة:
- خلال 48 ساعة (يومين)، هيوصلك رد من فيسبوك.
- في العادة، بيتم حل مشكلة رفض تغيير اسم الفيس بوك لو المستندات سليمة ومفيش مخالفات.
ملاحظات مهمة:
- لازم الاسم اللي بتكتبه في النموذج يطابق اللي في بطاقتك بالظبط.
- ماتحاولش تغيّر الاسم أكتر من مرة في فترة قصيرة.
- فيسبوك لا يقبل تغيير الاسم لو فيه رموز أو حاجات مخالفة للسياسات.
- في بعض الحالات تقدر تغيير اسم صفحة الفيس بوك قبل 60 يوم لو قدمت طلب رسمي عن طريق الدعم.
وبكده تكون قدرت حل مشكلة الاسم فيسبوك بخطوات سهلة وفعالة. لو عايز تشوف شرح عملي بالفيديو تقدر تشوفه من هنا:
